هەڵبژاردنی پەرلەمانی ئەفغانستان دەستی پێ کرد و لە ویلایەتێکیش بەهۆی تیرۆرەوە، هەڵبژاردن بۆ ماوەی هەفتەیەک دواخرا.



کاتژمێر 7ـی سەرلەبەیانیی ئەمڕۆ شەممە 20/10/2018، هاووڵاتییانی ئەفغانستان بۆ هەڵبژاردنی نوێنەرەکانیان لە پەرلەمان، چوونە سەر سندووقەکانی دەنگدان.



ژمارە و زانیارییەکانی هەڵبژاردنەکە:



- هەشت ملیۆن و 800 هەزار کەس مافی دەنگدانیان هەیە.

سێ ملیۆن و 47 هەزار کەس لەو ژمارەیە، ژنن.



- دوو هەزار و 258 کاندید رکابەری لەسەر بەدەستهێنانی 250 کورسیی پەرلەمانی دەکەن.

لەو ژمارەیەی کاندیداندا، 415 ژن هەن، کە خۆیان بۆ وەرگرتنی کورسیی پەرلەمانی کاندید کردووە.



- لە کورسییەکانی پەرلەماندا،

10 کورسی بۆ نوێنەری عەشیرەتەکان دیاری کراوە.

68 کورسی بۆ ژنان دیاری کراوە.



- پێنج هەزار و 100 وێستگەی دەنگدان لە 32 ویلایەتی ئەفغانستان لە کۆی 34 ویلایەت، کراونەتەوە.



- بەهۆی هەڕەشەی تیرۆریستان، کوشتنی کاندیدان و تەقینەوە، هەڵبژاردن لە هەردوو ویلایەتی غەزنی و قەندەهار دواخرا، بەڵام کاتەکەی دیاری نەکراوە.



ئەفغانستان وڵاتێکی ئیسلامییە. کەوتووەتە رۆژهەڵاتی ناوەڕاست و بە وڵاتانی ئۆزبەکستان لە باکوور، تاجیکستان، چین و کشمیر لە باکووری رۆژهەڵات، پاکستان لە باشووری رۆژهەڵات و باشوور، کۆماری ئیسلامیی ئێران لە رۆژئاوا و تورکمەنستان لە باکووری رۆژئاوا، دەورە دراوە.


باسنیوز