وەزارەتی خەزێنەداریی ئەمریکا دوێنێ سێشەممە گەمارۆی خستووەتە سەر تۆڕی کۆماپانیاکانی سەر بە "بنیادی هاوکاریی بەسیج" کە سەر بە سوپای پاسدارانن و سەرجەم 20 کۆمپانیان.



بەپێی ڕاگەیەندراوێکی وەزارەتی خەزێنەداریی ئەمریکا ئەو 20 کۆمپانیایە جیا لەوەی سەرچاوە داراییەکانی میلیشیا سەربازییەکانی سەر بە ئێرانیان دابین کردووە، بەوە تاوانبارن کە منداڵانیان بۆ شەڕ لەگەڵ دامەزراوە و ڕێکخراوەکانی سوپای پاسداران بەکار هێناوە.



لەو 20 کۆمپانیایەی کە لەلایەن ئەمریکاوە گەمارۆیان خراوەتە سەر دەکرێ ئاماژە بە "تراکتۆرسازیی ئێران، پیشەسازیی فوولادی موبارکەی ئیسفەهان، بانکی میللەت و میهری ئابووریی نوێ، بانکی پارسیان، کۆمپانیای سەرمایەی ئاتیە، کۆمپانیای تەکتار، ساحل نگین، کۆمپانیای ئەندازیاریی تەکناتۆر و ..."



بنیادی هاوکاریی بەسیج کە سەر بە سوپای پاسدارانە و چاودێریی ئەو کۆمپانیا و دامەزراوانە دەکات، بەوە تۆمەتبارە کە داهاتی ئەو کۆمپانیایانە لەڕێگەی سەربازی و دابینکردنی چەکوچۆڵی میلیشیا سەربازییەکان لە عێراق، سووریا و یەمەن بەکار دەهێنێت.



بە گوتەی ئەستیۆن منوچین، وەزیری خەزێنەداریی ئەمریکا بەپێی ئەو گەمارۆیانەی ئەمریکا، هیچ هاووڵاتییەکی ئەمریکی بۆی نییە لەگەڵ ئەو تۆڕ و کۆمپانیایانەی سەر بە ئێران مامەڵە و دانوستانی بازرگانیی هەبێت.





باسنيوز