ژماره‌یه‌ك هاككه‌ر له‌ رێگه‌ی ئه‌پلیكه‌یشنێكی مۆبایله‌وه‌ چه‌ندین به‌ڵگه‌نامه‌ی فه‌رمی له‌ زانكۆكانی به‌ریتانیا ده‌دزن.

گۆڤاری ته‌لگرافی به‌ریتانی له‌ هه‌واڵیكدا ڕای گه‌یاندووه‌، كه‌ له‌لایه‌ن چه‌ند هاككه‌رێكی ئێرانییه‌وه‌ ژماره‌یه‌ك به‌ڵگه‌نامه‌ی فه‌رمی له‌ زانكۆكانی ئۆكسفۆرد و كامبرێجی به‌ریتانی ده‌درزێن.

گۆڤاره‌كه‌ روونی كردووەته‌وە، كه‌ هاككه‌ره‌كان له‌ رێگه‌ی ئه‌پلیكه‌یشنی واتسئاب دزه‌یان كردووەته‌ ناو كۆمپیۆته‌ره‌كانی زانكۆكان و توانیویانه‌ ده‌ستیان بگاته‌ به‌ڵگه‌نامه‌ی فه‌رمی زانكۆكه‌ دوای ئه‌وه‌یش له‌ رێگه‌ی چه‌ند ماڵپه‌رێكی ئێرانییه‌وه‌ به‌ڵگه‌نامه‌كان ده‌فرۆشرێنه‌وه‌.

هۆكاری ئه‌م هاككردنه‌كه‌یش وه‌كو گۆڤاره‌كه‌ باسی لێكردووه‌ به‌ هۆی خراپبوونی په‌یوه‌ندییه‌كانی نێوان ئێران و به‌ریتانیایه‌، بۆیه‌ گومان ده‌كرێت ئه‌م هێرشانه‌ به‌هۆی تێكچوونی ئه‌م په‌یوه‌ندییانه‌وه‌ بووبێت.











باسنيوز