چەند تەقینەوەیەک لە فڕۆکەخانەیەکی دیمەشقی پایتەختی سووریا روویان دا.



تەقینەوەکان، کە میدیا عەرەبییەکان باس لەوە دەکەن، ”دەیان تەقینەوە“ بوون، درەنگانی شەوی شەممە 1/9/2018 لە فڕۆکەخانەی مەززەی سەربازی لە رۆژئاوای دیمەشق روویان داوە.



روانگەی سووری بۆ مافەکانی مرۆڤ رایگەیاندووە، تەقینەوەکان بەهۆی بۆردومانێکی فڕۆکە جەنگییەکانی ئیسرائیل روویان داوە و ژمارەیەک کوژراو و بریندار هەیە.



میدیاکانی سەر بە رژێمی سووریا باس لەوە دەکەن، کە تەقینەوەکان لە چەند کۆگایەکی تەقەمەنی دوای دروستبوونی شۆرتی کارەبا لەو کۆگایانە، روویان داوە.



باسنیوز