دوێنێ هەینی هاكان فیدان، سەرۆكی دەزگای هەواڵگریی توركیا (میت) و خلووسی ئاكار وەزیری بەرگریی توركیا، لەسەر داوای وەزیری بەرگریی ڕووسیا دەگەنە مۆسكۆ.



وەزارەتی بەرگریی ڕووسیا بڵاوی كردەوە، دوێنێ هەینی 2018/8/24 هاكان فیدان و خلوسی ئاكار گەیشتوونەتە مۆسكۆ و لەگەڵ وەزیری بەرگریی ڕووسیا كۆ دەبنەوە.



ئەمەش لە كاتێكدایە كە مەولوود چاوشئۆغلو وەزیری دەرەوەی توركیا لە مۆسكۆیە و لەگەڵ وەزیری دەرەوەی ڕووسیا لە كۆبوونەوە دایە.



بە گوێرەی زانیارییەكانی میدیاكانی توركیا، تەوەری سەرەكیی كۆبوونەوەكە باسكردنە لە چۆنیەتیی دەركردنی گرووپە ئیسلامییە توندڕەوەكان لە ئیدلیب.



هاوکات ئەو 2 وڵاتە دەیانەوێت بگەنە ڕێككەوتن لەسەر چۆنیەتیی بەڕێوەبردنی ئیدلیب دوای رزگاركردنی لە دەستی گرووپە چەكدارە توندڕەو و تیرۆریستەكان.





باسنیوز