وەزیری دەرەوەی ئەمریکا، داوای لە تاران کرد، ئەو شێوازى سیاسه‌تكردنه‌ى ئێستا گرتوویەتییەبەر بیگۆڕێت. جه‌ختیشی كرده‌وه‌، كه‌ ئێران گەورەترین سەرچاوەی تیرۆره‌ لەجیهاندا.


مایک پۆمپیۆ، وەزیری دەرەوەی ئەمریکا، لە لێدوانێکیدا بۆ کەناڵی "Metro TV"، ڕای گه‌یاند: "ئێران وڵاتی سەرەکییە بۆ سەرچاوەی تیرۆر لە جیهاندا".


هه‌روه‌ها، ئه‌وه‌شى خسته‌ڕوو، كه‌ ویلایەتە یەکگرتووەکانی ئەمریکا هەوڵدەدات ئێران ناچار بکات دەستبەرداری ئەم چالاکییەی ئێستای ببێت، گوتیشی: "هەوڵدەدەین رژێمی ئێران هەڵسوکەوتەکانی بگۆڕێت".


باسى له‌وه‌ش كرد، كه‌ دۆناڵد ترەمپ، سەرۆکی ئەمریکا ئامادەیە بۆ دەستپێکردنی دانوستان لەگەڵ تاران، به‌و مه‌رجه‌ى گۆڕانکاری لە سیاسەتەکانی بکات: "بۆ ئەوەی دانوستانەکان سوودی بۆ هەردوولا،هەبێت".
BAS NEWS -