Parlamentoya Kurdistanê di rûnişrina xwe ya îro ya awarte de bi piraniya dengan Erselan Bayiz wek Serok û Hesen Mihemedî wek Cîgirê Serokê Parlamentoyê hilbijart.

Di rûniştina îro de, frakisyonên opozisyonê (Goran, Yekgirtû û Komelya Îslamî ya Kurdistanê) ku 35 parlamenterên wan ji koma 111 parlamenteran hene, deng nedane her du kandîdan û ji hola parlamentoyê derketin.

Serokê Frakisyona Goran Kardo Mihemed di vê derbarê de ji AKnewsê re ragihand, “Em prosesa veguhartina serokatiya hikûmet û parlamentoyê wek neyasayî dizanin.”

Berî dengdanê, Serokê Parlamentoyê Kemal Kerkûkî dest ji serokatî û parlamentoyê vekişand û ev yek bi piraniya dengan hate pesendkirin, her wiha Cîgirê Serokê Parlamentoyê Erselan Bayiz jî dest ji posta Cîgirê Serokê Parlamentoyê vekişand û hate pesendkirin.

Di rûniştina îro de, 72 parlamenter amade bûn.

AKnews