Hêzên rejîm Sûriyê duhî, di îna bi navê “Bergirîkirina li xwe” 102 kes kuştin, piraniya wan li bajarê Himis, Hemayê, Deraa û Helebê bûn û di nav wan de 6 zarok û 4 jin hene.

Li gor Desteya Giştî ya Şoreşa Sûriyeyê, hêzên rejîma Sûriyê duhî li sertaserî Sûriyeyê, 102 kes kuştine ji wan 38 li derdora Şamê ne û 21 li bajarê Hemayê û 15 li Deraa ne.

Li Helebê jî cara yekem, xwepêşandan gur dibin ku di encamê de hêzên ewlehiyê û alîgirên el-Esed (şebîhe) li taxa Mercê 12 kes kuştin.

Ji aliyekî din Yekgirtina Hemahengiyên Şoreşa Sûriyeyê navê kesên duhî di encama bombebaranê de belav kirin û diyar kir ku ji wan 6 jin û 4 zarok in.

Hevdem îro Encûmena Ewlehiya Navdewletî li New Yorkê bi amadebûna sekreterê Komkara Ereb û Serokwezîrê Qeterê aloziya Sûriyê gotûbêj dikin, li hemberê Rûsiya helwesta xew diyar kir û hêlên dor nîşan kirin ji çi projeyeke pêkan re.

Li gorî amarên Neteweyên Yekbûyî, ji destpêka xwepêşandanên dijî rejîma Esed de, di 15ê adara 2011ê ta niha bêtirî 6 hezar û 500 kes li ser destên hêzên Sûriyê û alîgirên Beşar el-Esed hatine kuştin û bi deh hezaran girtî û aware bûne.

Aknews