Zimanê kurdî dê bibe 44emîn zimanê dinyayê ku hikûmeta Erebistana Siûdî dê quranê bo wergêrîne û biryare bi hezaran wêneya quranê li nava Kaebeyê û mizgefta Pêxember (Muhemeds) li bajarê Medîne bê danîn.

Ji tîma ragihandina hecê ya Herêma Kurdistanê Goran Nûrî, îro, ji AKnewsê re ragihand ku îsal Wezareta Ewqaf a Erebistana Siûdî bi hezaran wêne ji quranê bi ziamê kurdî wergêrandiye û çap kiriye.

Li gorî nûçeya malpera Wezareta Ewqaf û Karûbrên Olî ya Herêma Kurdistanê, Goran aşkere kir ku Piştîwan û Omêd Çirosanî du kesatiyên ekadîmî yên kurdin û heyama çend salane ji bo temamkirina xwendina xwe ya bilind hatine Siûdiyê û bi rêya wan re hikûmeta Siûdiyê razî bûye ku quranê bi zimanê kurdî wergêrîne û çap bike.

Goran xuya kir ku Wezareta Ewqaf a Siûdiyê dê xercên wergêran û çapkirina beşên dawî yên quranê bi zimanê kurdî bide û bi vê yekê jî, zimanê kurdî dê bibe 44emîn zimanê dinyayê ku hikûmeta Siûdiyê quranê bo werdigêrîne.

AKnews