Agirekî mezin bi depoyeke sotemeniyê ya li navçeya Tanceroyê ya Silêmaniyê ket.

Di vê şewatê de nêzîkî 25 kesan birîndar bûne ku birîna yekî ji wan giran e.

Li gorî dîmenên kamerayên çavdêriyê yên ku gihîştine destê Rûdawê, agir derdora 

demjimêr 23:57an a şeva 17ê Tebaxa 2026an derketiye.

Tîmên agirvemirandinê yên Silêmaniyê yekser çûn cihê bûyerê û dest bi vemirandina agir kir.

Ji ber sotemeniya di hundirê depoyê de, gelek teqînên li pey hev çêbûn û agir bi her derê ket.

Hêzên ewlehiyê jî ji bo kontrolkirina rewşê çûn herêmê û ji xelkê xwest ku nêzîkî cihê şewatê nebin.

Tîmên Hewlêrê di amadehiyê de bûn

Berdevkê Parastina Sivîlan a Hewlêrê Şaxewan Seîd ji bo Rûdawê ragihand ku ew di rewşa 

amadehiyê de ne û got heke Birîvebirê Giştî yê Parastina Sivîlan a Herêma Kurdistanê bixwaze,

 ew amade ne bi hemû kel û pelên xwe herin alîkariya birayên xwe yên li Silêmaniyê.

Sedema agir hîn ne zelal e

Heta niha sedema şewatê bi awayê fermî nehatiye eşkere kirin lê cihê depoyê ji taxên rûniştinê dûr e.

Berdevkê Bazara Sotemeniyê ya Silêmaniyê Ramyar Rizgar li ser sedema agir got:

 "Li gorî gotinên şahidan, sedem deba benzînê bûye lê ev agahî hîn nehatiye piştrastkirin."

Wî her wiha da zanîn ku di depoyê de benzîn hebûye û got ku şewitandina vê depoyê bandorê li 

ser bihayê benzînê nake.

Xwediyê depoyê Şêx Ebdulah Celal jî diyar kir ku di hundir de benzîn û gaz hebûye.

25 kes birîndar bûn

Alîkarê Birîvebirê Giştî yê Saziya Tenduristiyê ya Silêmaniyê Dr. Hêriş Seyîd Selîm ragihand ku di

 şewatê de ti kes nemiriye û 20 birîndar birine nexweşxaneyan.

Pişt re Alîkarê Parêzgarê Silêmaniyê Şaho Osman ji bo Rûdawê daxuyand ku hejmara birîndaran 

gihîştiye 25an û birîndar birine nexweşxaneyên Şoreş, Şar û nexweşxaneya şewatê.

Şaho Osman eşkere kir ku birîna hemûyan sivik e, tenê birîna kesekî giran e ku ew birîndar 

xelkê Rojhilatê Kurdistanê ye.

Wî got heke rê li ber belavbûna agir nehatiba girtin, dê zererên mezintir çêbûba.

Heta niha rêjeya zererên madî nehatiye diyarkirin. Piştî ku agir bi temamî were kontrolkirin,

 tîmên taybet dê dest bi lêkolîna zereran bikin.

 

Rudaw