Komeleya Pîşesaziya Petrolê ya Kurdistanê (APIKUR) di daxuyaniyekê de got ku şîrketên APIKUR ji hevdîtinên di navbera Hikûmeta Herêma Kurdistanê û hikûmeta Iraqê de ji bo gihîştina rêkeftinekê kêfxweş in.

ÎRO 14.07.2025ê Komeleya Pîşesaziya Petrolê ya Kurdistanê (APIKUR) daxuyaniyekê de got: APIKUR keyfxweşe bi gotûbêjên Hikûmeta Herêma Kurdistanê û hikûmeta Iraqê ku ji bo geheştina li hev kirina henardekirina petrolê bi rêya boriya petrolê ya Iraq-Tirkiyê ji nû ve dest pê bikin. Armanc ew e ku di demek nêzîk de henardekirina petrolê ji nû ve dest pê bike.”

Daxuyaniyê de hat gotin: "Berî van hevdîtinan, di 12/7/2025an de, endamên APIKUR û nûnerên şîrketên navneteweyî û çalakvanên petrolê yên ku li Herêma Kurdistanê dixebitin beşdarî civînekê bi rayedarên Hikûmeta Herêma Kurdistanê û hikûmeta Iraqê re bûn. Di wê civînê de kompanyayên navnetewî teqez kirin ku amadene demildest henardeya petrolê bi rêya boriya petrolê ya Iraq – Tirkiyê ve dest pê bikin, lê eger peymanek nivîskî û bi pêbendî hebe ku rêbaza dayinê misoger bike, rêzê li peymanên derbasdar û yasayî bigire û pereyê ku hîn ji şîrketan re nehatiye dayîn çareser bike, divê rêbaza dayinê rast û zelal be.’’

Berdevkê APIKURê Miles Caggins ragehand: "Endamên APIKURê amade ne ku her gava peymanek nivîskî hebe ku rêzê li peymanên wan ên derbasdar li gorî qanûna navneteweyî bigire, hinardekirina petrolê ji nû ve bidin destpêkirin."

 

Basnews