Serokê Herêma Kurdistanê Nêçîrvan bi minasebeta Roja Aşûreyê peyamek belav kir.

Serokê Herêma Kurdistanê ji ser hesabê xweyê Xê li ser Roja Aşûreyê got:

"Em wan bihayên rastiyê, bîhnfirehiyê û qurbanîdanê yên ku Îmam Husên (Silava Xwedê lê be) berçav kirine û ew wateyên bilind ên mirovî ku di vê bîranînê de hene, her wiha ew dersên herdemî yên ku daxwaza dadperwerî, lêborîn û aştiyê dikin tînin bîra xwe."

Serokê Herêma Kurdistanê di peyameke derbarê bîranîna Aşûreyê de, tekezî li ser ruhê yekrêzî û biratiyê di navbera xelkê Îraqê de û girîngiya çareserkirina nakokiyan ji bo xizmeta berjewendiyên bilind ên welat û bihêzkirina seqamgiriyê kir.

Merasîma çileyê şîna Îmam Husên (Aşûre), li cem Şîeyan xwedî girîngiyeke mezin e.

Merasîma îsal dikeve 5ê Tîrmehê û ji niha ve beşek ji Şîeyan ji parêzgehên din ên Îraqê bi peyatî ber bi Kerbelayê ve bi rê ketine.

Ji Îranê û welatên din bi hezaran kes di çileyê şîna Îmam Husên de diçine Kerbelayê.

 

Rudaw