Roja 2.07.2025 Serokwezîr Mesrûr Barzanî pêşwazî li Balyoza Fînlandê ya li Iraqê Anu Sarella kir.

Di hevdîtinê de, Serokê Hikûmetê Mesrûr Barzanî spasiya Balyozê kir ji bo hewl û xebatên wê yên di dema erka wê de ji bo pêşxistina pêwendiyên dualî û di karê wê yê nû de hêviya serkeftinê jê re xwest.

Ji aliyê xwe ve, Balyoza Fînlandayê pêzanîna xwe ji bo hemahengî û hevkariya Hikûmeta Herêma Kurdistanê nîşan da û tekezî li ser daxwaza welatê xwe ya ji bo bihêzkirina pêwendiyan bi Herêma Kurdistanê re kir.

Di beşeke din a hevdîtinê de, behsa guhertin û pêşhatên dawî yên li Iraqê û navçeyê hat kirin. Herwiha, pêwîstiya çareserkirina kêşeyên di navbera Herêma Kurdistanê û Hikûmeta Federal de hat gotûbêjkirin.

Di vê çarçoveyê de, her du aliyan tekezî li ser girîngiya rêzgirtina li sîstema federal a Iraqê, statuya destûrî ya Herêma Kurdistanê û maf û şayisteyên darayî yên Herêmê kirin.