Spasiya parlementoya federalî dike.

Derbarê pejrandina qanûna serrast kirî ya bûdceya federalî Serokê herêma Kurdistanê Nêçîrvan Barzanî peyamek belav kir û di peyama han de Serokê herêmê nivîsandiye; Pêşwaziya pejrandina qanûna serrast kirî ya bûdceyê dikin û spasiya parlemen û tevahiya wan kesan dikin ku, di amade kirin û pejrandina projeya han de beşdar bûne.

Serokê herêmê herwiha rêzdariya xwe li hember hewlên Serokwezîrê federalî diyar kiriye û ragihandiye ku, spasiya birêz Serokwezîr dikin ku, bi hestê nîştimanperwerî û bi awayeke dilsoz li gel me hevkar û alîkar bûye bo çareser kirina kêşeyên taybet bi bûce, mûçe û şayîsteyên darayî yên herêma Kurdistanê.

Serokê herêma Kurdistanê herwiha destxweşî li şanda danûstandinkar ya hikûmeta herêmê û aliyên têkildar yên federalî jî kiriye.

Nêçîrvan Barzanî diyar kiriye ku, ev pêngaveke rast û cîhê hêviyêye û encamên baş bo Kurdistanê Îraqê bi xwe re tîne lewre hêvî dikin bibe destpêkek bo çareser kirina kêşeyên din û çareseriya hertimî  ya mijara mûçe û şayîsteyên darayî yên herêma Kurdistanê.

Serokê herêma Kurdistanê di dawiya peyama xwe de nivîsandiye berdewam dibin li ser hewldan bo çareser kirina kêşeyan bi diyalog û danûstandinê.

 

 

Rudaw