Kesayeta Êzidî li Şingalê ragehand, grubên neyasayî li Şingalê xirabtir ji DAIŞê bi serê Êzidiyan anîne. Xelkê Şingalê dixapînin û dibêjne wan em hatine we biparêzin, l derket ji xirabtirî DAIŞê danûstan li gel wî xelkî kirin û keç û zarokên wan revandin û kirine çekdarên xwe û dibene şer.

Kesayeta Êzidî Qasim Derbo ji BasNewsê re ragehand: ‘’Naha xelkê Şingalê têgeheşt ku eger Serok Barzanî û hêza Pêşmerge neba, karesata Şingalê dê duqatê wê mezintir ba, hêza Pêşmergeyên Kurdistanê li Çiyayê Şingalê şer kirin û xelkê Êzidî parastin û li ser destê Serok Barzanî Şingal ji DIAŞê hate rizgarkirin. Lê mixabin grubên neyasayî dest danîn ser Şingalê û xelkê wê xapandin û fitne û alozî di nav xelkê Şingalê de çêkirin.’’

Herwaha got: ‘’Naha xelkê Şingalê hişyar bûne û dizanin grubên neyasayî ji bo xapandina wan hatine bajarê Şingalê, ji bo wê jî xelk bixwe ji nav grub û milîsan dûr dikevin û berdewam daxwazê dikin ku Hêzên Pêşmergeyên Kurdistanê vegerin bo Şingalê. Ji ber ew cîh û navçeyên Pêşmerge lê bin aramin û xelk rihete, lê naha li Şingalê xelkê ji wan grub û milîsan ditirsin. Ji ber ku ew grub xirabtir ji DAIŞê bi serê xelkê Şingalê de anîne û hejmareke zêde zarok û keç revandine û kirine çekdar. Kesûkarên wan jî heta naha ti tiştek derbarê çarenivîsa zarokên xwe ya ji destê grubên neyasayî nizanin.’’

Qasim Derbo got: ‘’Hin kes li mala xwe xwe dirêj kirine û li Ewrupayê ereqê vedixin û parvekirinên zindî dikin û behsa Şingalê dikin, ew kesane ji aliyê grubên neyasayî û milîsan ve piştevaniya wan tê kirin. Ji bo ku fitne û aloziyê di nav Êzidiyan de çêbikin. Wan fîşekek jî ji bo Şingalê neteqandine û ji dûr ve weşana zindî dikin, eger rast dibêjin bila bên bo Şingalê. Lê xelkê dilsoz ê Şingalê hemû rastiyan baş dizanin, ji bo wê jî heta naha di nav kampan de mane û nikarin wegerin Şingalê.’’

 

Basnews