Rojhilat – Li Ormiyê di rojekê de çar girtiyên kurd hatin bidarvekirin!
Duhî çar girtiyên kurd, ku hemû bi tohmeta bazirganîkirin û bikaranîna madeyên hişber hatibûn girtin û bi îdamê hatibûn mehkûmkirin, ji girtîgeha Ormiyê hatibûn derxistin û derbasî cihê îdamê hatibûn kirin.
Li gorî agahiyên Hengawê, ji wan girtiyan 3 kes hatin îdamkirin, girtiyê din dîsa vegerandin girtîgehê.
Ewên ku hatine îdamkirin, ev in:
Reûf Azadîxah, 39 salî û xelkê gundê Dizêya Mirgever
Îbrahîm Mihemedpûr, xelkê gundê Dizêya Mirgever
Şabedîn Ehmedîpûr, xelkê Ormiyê
Ewê ku nehatiye îdamkirin jî, xelkê Serdeştê ye û navê wî jî Hisên Sirûrî ye.
Duh danê sibê jî girtiyekî kurd bi navê Elî Ilmîzade hatibû îdamkirin. Sûcê wî jî bazirganîkirin û bikaranîna madeyên hişber bûye. Ew welatiyê kurd jî xelkê gundê Şîrnê yê Selmasê bû.
Basnews
