Serok Mesûd Barzanî, Serokê Herêma Kurdistanê Mesrûr Barzanî û Serokwezîr Mesrûr Barzanî, Cejna Qiyamê li Mesîhiyên Herêma Kurdistanê û cihanê pîroz kir.

Serok Barzanî îro bi boneya cejna Qiyamê peyamek belav kir.

Serok Barzanî di peyama xwe de got:

“Germtirîn pîrozbahiyên xwe pêşkêşî xwiş û birayên Mesîhiyên li Kurdistan û Îraq û seranserê cîhanê dikim.

Herwiha bi helkefta serê sala nû û cejnên Ekîto pîrozbahiyê li gelê Kildan Siryan Aşûrî li Kurdistan û Îraq û hemû cîhanê dikim û hêviya xêr û xweşî û bexteweriyê ji bo wan dixwazim.”

Di beşeke din a peyamê jî de Serok Barzanî got:

“Hêvîdarim kultûra pêkvejiyan û birayetî û tebayî ya di navbera hemû pêkhatên neteweyî û olî yên Kurdistan û Îraqê parastî û bihêztir bibe.”

Serok Barzanî herwiha piştevaniya xwe ji bo maf û daxwazên rewa yên hemû pêkhateyan nîşan da û got:

Ez, tekeziyê li wê yekê dikim ku li jêr hîç hincetekê nabê paşvekêşiyê bi çanda pêkvejiyan û mafê xwişk û birayên Mesihiyan û pêkhatên neteweyî û olî yên din ên li Kurdistan û Îraqê bê kirin.”

Serokê Herêma Kurdistanê Nêçîrvan Barzanî jî peyama pîrozbahiya Cejna Qiyamê belav kir.

“Herêma Kurdistanê dê hertim dê wekî welatê pêkvejiyanê bimîne”

Peyama Nêçîrvan Barzanî wiha ye:

“Di vê cejna pîroz de em dûbare dikin ku Herêma Kurdistanê, wekî hertim, dê welatê pirçandî, pêkvejiyan, hevpejirandin û toleransê ji bo hemû ol û neteweyan bimîne û ji bona vê armancê em li ser hewl û xebatên xwe berdewam dibin.

Werin em vê cejna pîroz bikin derfetek ji bo bihêzkirina biratî, yekrêzî û yekdengiya di navbera hemû pêkhateyên Kurdistanê de û bi hev re bi ruhê berpirsiyariya hevbeş, erkên xwe yên li hemberî welat û parastina mafên xwe û kiyana destûrî ya Herêma Kurdistanê bicih bikin û dest li nav dest de ji bo paşerojeke baştir ji bo nifşên bên bixebitin.

“Hêvîdar im, ev cejn bibe sedema xêr û xweşiyê”

Herwiha Serokwezîrê Herêma Kurdistanê Mesrûr Barzanî di peyama xwe ya pîrozbahiyê de got:

“Bi boneya hatina Cejna Qiyame û sersala nû (Ekîto), germtirîn pîrozbahiyên xwe pêşkêşî xwişk û birayên Xuristiyan yên li Herêma Kurdistanê, Îraq û cîhanê dikim.”

Mesrûr Barzanî herwiha got: “Hêvîdar im ev cejn bibe sedema xêr û xweşiyê bo hemûyan, bidawîhatina êş û azarên xwişk û birayên me yên Xiristiyan û bicihbûna aramî û ewlehiyê li cîhanê.”

 

Rudaw