Serokê Hikûmeta Herêma Kurdistanê Mesrûr Barzanî bi boneya heştemîn salvegera damezrandina Saziya K24ê peyamekî pîrozbahiyê belav kir.

Serokê Hikûmetê di peyama xwe de got: ‘’Bi boneya heştemîn salvegera damezrandina Saziya Kurdistan 24ê ya ji bo lêkolîn û ragehandin û destbikarbûna Kanala K24ê pîrozbahiyekî germ li rêveberê giştî û hemû karmendên K24ê dikim û hêviya serkeftin û pêşketina zêdetir ji bo we dixwazim.’’

Herwaha got: ‘’K24 heşt sal berî naha di demekî de hat damezrandin ku hêza Pêşmergeyên Kurdistanê bi serokatiya cenabê Serok Mesûd Barzanî de di pevçûna li gel terorîstên DAIŞê de bû û di berevanîkirina ax û xelkê Kurdistanê de bûn, ku encamê de Pêşmergeyên qehremen, destanên mezin tomar kirin û efsaneya DAIŞê têkşikand. K24 bû haparlo û sekoya Pêşmerge û serkeftinên bêhempa yên Pêşmerge gehande cîhanê.’’

Serokê Hikûmetê hêvî xwest ku K24 bi awayekî pîşeyî berdewam be di cîhgehandina erkê ragehandina xwe ya di hişyarkirina civak û pêşxistina çanda pêkvejiyana aştiyane û gehandina rastiyan li ser bingehê rastgotin û berpirsyartiya niştimanî û rijdbûna li ser maf û destkeftên gelê Kurdistanê.’’

 

 

Basnews