Vê sibê çend erdhejên bihêz li Kalîforniyaya Amerîkayê qewimî. Dezgeha Jeolojî ya Amerîkayê diyar kir ku yek ji wan erdhejan bi hêza 7.1 pileyên rîxterê bû.



Li gor Dezgeha Jeolojî ya Amerîkayê, erdheja yekem şeva înê bi dema Kalîforniyayê di demjimêr 06:19an de qewimî û piştî demjimêrekî jî çar erdhejên din rûdan û ji wan ya herî bi hêz 5.5 pileya rîxterê bû.



Erdhej 11 mîl dûrî bajarê Rîckrest ê li başûrê Kalîforniyayê qewimî, beşek ji medyayên wî welatî ragihandiye ku piştî erdhejê agir derketiye.



Li gor amarên beşa agirvemirandinê jî, heta niha bi dehan raportên hilweşîna malan û şewatê gihiştine wan.



Ev erdhej di demekê de ye ku roja pêncşemê jî erdhejek bi hêza 6.4 li başûrê Kalîforniyayê qewimîbû û li gor raportan di 20 salên derbasbûyî de erdheja herî bihêz bû, lê erdheja şeva derbasbûyî, ew rekor şikand.

Rudaw