Çavkaniyek agahdar ji hikûmeta federal a Iraqî îro roja sêşemê got, Dewletên Yekbûyî hişyarî da Iraqê ku ew ê bersiveke leşkerî bide eger êrişî navendên Amerîkî li wî welatî were kirin.

Çavkaniyekî Iraqî got ku tevgerên dîplomatîk ên serokwezîrê Iraqî Mihemed Şîya Sûdanî yên vê dawiyê bi armanca rawestandina êrîşên milîsan li dijî navendên leşkerî yên Amerîkî li welat bûn, piştî şeş êrîşên milîsan li ser navendên Amerîkî li welat.

Endamekî parlemana Iraqê ji hevpeymaniya dewleta qanûnê ragihand ku Sûdanî bi çendîn serkirdeyên siyasî re bi taybetî bi Nûrî Malikî, Hadî El-Amirî û Emmar El-Hekîm re hevdîtinên rasterast û telefonî pêk anîne û li ser rawestandina êrişên milîsên ser bi saziyên Amerîkayê re gotûbêj kirine.

Parlamenter got ku çend hêzên çekdar û milîsên li Iraqê amade ne ku bersivê bidin hewildanên Sûdanî ji bo rawestandina êrîşên wan li ser saziyên Amerîkî.

Parlamenter got ku Sûdanî hişyariyek tund ji karbidestên Amerîkî wergirtiye ku hêzên Amerîkî li herêmê dê bersiva serbazî bidin eger di êrîşên milîsan de zirarê bibînin hêzên wan an jî hêzên hevpeyman li Iraqê.

 

Basnews