Xizmekî wê keça DAIŞê ew revandibû îro pêncşemê 06.06.2019an li qezaya Sêmêlê aşkere kiriye ew keça DAIŞê revandibû li Sûriyê hatiye kuştin û wan jî taziyeya wê danîne.

Amo Koço yek ji xizmê wê keça DAIŞê ew revandibû û kuştibû ji BasNewsê ra axivî û got: "Ew keça xelkê gundê me ye Koço ye li qeza Şingalê. Navê keça êzdî Îxlas Xalid e û li welatê Sûriyê hatiye kuştin nuke ji nû deng û basa kuştina vê keça revandîya êzdî gehiştiye xizmên wê. Me jî taziya wê danî. Ew kiça me ya êzdî digel malbata xwe li roja 15/8/2014 ji aliyê rêxistina terorîstên DAIŞê va hatibû girtin û revandin.”

Amo Koço amaje bi wê yekê jî kir ku ew li benda rizgarkirina wê keçê jî bûn. Lêbelê dema keçeka din a êzdî hatiye rizgarkirin ji wan ra gotiye Îxlas nemaye û rêxistina terorîstên DAIŞê ew kuştiye.

Basnews