Lijneya kiştûkal û avê li parlamentoya Kurdistanê daxuyaniyek belav kir û hat gotin: ‘’Di dema serdana şandeya me ya jib o parlamentoya Iraqê ya roja 22.05.2019ê de daxwaz hat kirin ku bi awayek lezgîn rêgirî li karê dijî cotyarên kurd tê kirin bê kirin û demekî lezgîn de berpirsên peyvendîdar bên ser xetê bo wî karê têkdanê. Herwaha em daxwaz ji rêveberiya siyasî ya kurd dikin, bikevin guftûgoyên cîdî li gel Bexdayê bo çareseriya vê rewşa navçeyên dervey desthilatiya herêma Kurdistanê.’’

Lijneya kiştûkal û avê li parlamentoya Kurdistanê got, ‘’Em bi tundî vê zulm û kawilkariyê, dijatiyê, karê qirêj û xirap şermizar dikin ku li Kerkûk, Dîbege, Mexmûr û çend navçeyên din ên Kurdistanê pêktê dikin. Mixabin bi temamî ked vala diçe, hemû westandin û xwîdana eniya tekoşîna salekî ya birayên yên cotkar û karker bi şewitandina dexil û dan û genim û cehê salekê, ango berhemên kiştûkaliya salekê tê şewitandin û em vê yekê şermizar dikin ku li navçeyên derveyî îdareya herêma Kurdistanê pêktên.

Basnews