Serok Barzanî li gel Nûnerên Cotkarên Kurdistanê civiya
Di vê civînê de nûnerên Cotkarên Kurdistanê behsa girift û kêşeyên xwe kirin.
Cotkar di civînê de behsa kêşeya neşandina pereyên berhemên wan ji aliyê Bexdayê ve bo Serok Barzanî kirin û daxwaz ji Seork Barzanî kirin daku bo çareser kirina kêşeya han hevkariya wan bike û dengê wan bigehîne Bexdayê.
Her di vê civînê de Serok Barzanî tekez li ser girîngiya cotkariyê di jiyana abûriya Kurdistanê kir û anî ziman ku di qonaxa şoreşa Eylûlê de cotkaran roleke mezin bo piştîvanîkirina şoreşê hebûye û çavkaniyeke berdewam ya şoreşa Eylûl û palpiştîkirina Pêşmerge bûne.
Serok Barzanî di berdewamiya axftinên xwe de behsa ser girîngiya kerta çandinê û bi pêwîst zanî kerta çandinê geş bibê û bibê kerta serekiya aboriya Kurdistanê.
Di beşekî dinê axaftina xwe da Serok Barzanî piştevaniya xwe ya tevahî ji bo daxwaziyên cotkarên Kurdistanê ragihand û eve jî dûpatkir ku ewê li ser cotkarên Kurdistanê hatiye kirin zulmekî eşkereye û hemû hewlan jî didîn ji bo vegerandina maf û diravê cotkarên Kurdistanê ku li cem Hikûmeta Iraqê maye.
