Îro Yekşemê 5ê Sibata 2023an di roja duyemîn a Konferansa Komara Demokratîk a Partiya Demokratîk a Gelan (HDP) de li Stenbolê dê 4 panelên din bên lidarxistin.

Panelên roja duyemîn a konferansê wê di demjimêr 10:00an de li Salona Konferansê ya Cem Karaca ya navçeya Bakirkoya Stenbolê bên lidarxistin. Hevserokên HDPê Pervîn Buldan û Mîthat Sancar, rayedar, parlamenter û akademîsyen dê beşdar bibin.

Di panelên bi sernavên "Di Sedsala Duyemîn a Komarê de Demokrasî", "Têkoşîn û Berxwedana Civakî ya Siyasî û Civakî", "Pêşeroja Dewleta Komarî-1" û "Pêşeroja Dewleta Komarî-2" dê bên kirin. Gelek siyasetmedarên Kurd, hevserok, rêveberên payebilind, parlamenterên HDPê û akademîsyen dê beşdarî van panelan bibin.

Di roja yekem a konferansê de 4 panelên bi sernavên "Nirxandina 100emîn Salvegera Komarê", "Dînamîkên Avakirina Komarê-1", "Dînamîkên Avakirina Komarê-2" û "Amûrên Komara Destûrî" hatin encamdan. Di panelan de Ahmet Turk, Sirri Sureyya Onder, gelek siyasetmedarên Kurd û rêveberên HDPê amade bûn.

 

Rudaw