Firokeyên şer ên Tirkiyê baregehên PKKê li Akrê bombebaran dikin
Firokeyên şer ên Tirkiyê binke û baregehên PKKê yên li navçeya Dînartê ya Akrê bombebaran kirin.
Mesûd Sirûşt ku xelkê navçeya Dinarta ya navçeya Akrê ye ji K24ê re got: “Firokeyên şer ên Tirkiyê ji îro danê sibê ve bi tundî binke û baregehên PKKê li navçeyê bombebaran dikin.”
Got jî, firokeyên şer ên Tirkiyê baregehên PKKê yên li gundên Kafya, Babona, Sîraniyê û Nîpaxê yên navçeya Dînartê bombebaran kirin.
Ev yek di demekê de ye, Artêşa Tirkiyê roja 18ê Nîsana 2022yan ve li navçeyên Zap, Avaşîn û Metîna yên di nav axa Başûrê Kurdistanê de li dijî PKKê dest bi operasyona bi navê Pence-Kilît kiriye û operasyon heta niha berdewam e.
K24
