Mesrûr Barzanî zêdetirî milyarek dînar ji bo projeyeke Koye terxan kir
Serokwezîrê Herêma Kurdistanê Mesrûr Barzanî ji bo projeyeke avê ya li qezaya Koye, rizamendî li ser terxankirin û xerckirina milyarek û 112 milyon û 786 hezar dînar da.
Li gor ragihandina Fermangeha Medya û Zanyarî, Serokwezîr Mesrûr Barzanî rizamendî li ser terxankirin û xerckirina milyarek û 112 milyon û 786 hezar dînar da, bi mebesta kirîn û dabînkirina pêwîstiyên projeya avê ya qezaya Koye.
Fermangeha Medya û Zanyarî destnîşan kir, terxankirina vê budceyê di çarçoveya girîngîdana Kabîneya Nehem a Hikûmeta Herêma Kurdistanê de ye ji bo projeyên xizmetguzariyan.
K24
