Peyameke pîrozbayî pêşkêşî yekîtiya jinên Kurdistanê kir.

Îro Cîgirê Serokê PDKê Nêçîrvan Barzanî jiber 70mîn salvegera damezrandina yekîtiya jinên Kurdistanê peyameke pîrozbayî pêşkêşî tevahiya jinên Kurdistan û yekîtiya jinan kiriye û hêviya serkeftinê bo tevahiya jinên Kurdistanê jî xwestiye.

Nêçîrvan Barzanî di peyama xwe de nivîsandiye: Yekîtiya jinên Kurdistanê xwedan dîrokeke girîng û roleke bibandor di nava xebata nîştimanî û netewî ya gelê Kurd deye û yek bûye ji pêşengên xebata medenî û hertim navendeke berçav ya pêgehandina têkoşerên mezin bûye û gelek jinên Serkirde di warê xebata medenî, siyasî, perwerdehî û çandî de li Kurdistanê pêgehandiye.

Ava kirina yekîtiya jinan beriya 70 salan berhema hizra yeksanîxwazî ya Barzaniyê Nemir û PDKê bûye û belgeyeke girînge li ser bawermendiya jinên Kurd bi xwe.

Jinên Kurdistanê ev yek îsbat kirine ku, di tevahiya waran de xwedan karînin, jêhatîne lewre lazime piştîvaniyeke zêdetir ji rol û beşdariya çalak ya jinan di tevahiya waran de were kirin, jiber vê yekê jî liwir careke din piştîvaniya xwe bo yekîtiya jinên Kurdistanê diyar dikin û berevanî ji tevahiya maf û xwestekên wan jî dikin bo bihêztir kirina bingehên çanda yeksanîxwazî di nava civakeke pêşkeftî û serdemiyan de.