Artêşa Tirk a dagirker di 24 saetên dawîn de 19 gund û deverên li navçeyên Şera û Şêrawa û kantona Şehbayê bi 545 topan topbaran kirin. Di topbarana li ser gundekî Şera de 3 leşkerên hikumeta Şamê jiyana xwe ji dest dan.

Dewleta Tirk a dagirker di 24 saetên dawîn de 7 gundên navçeya Şera, 5 gund û deverên li navçeya Şêrawa û 7 gundên kantona Şehbayê topbaran kirin.

Hemwextî topbaranê balafirên şer û keşfên biçek yên dewleta Tirk a dagirker li ser herêmê digerîn.

Deverên ku hatine topbarankirin ev in; Şera: Keleha Şewarxa, depoyên Şewarxa, Merenaz, Elqemiyê, Tatmaraş, Malikiyê, Tinib.

Di encama topbarana li ser gundê Tinibê de 3 leşkerên hikumeta Şamê jiyana xwe ji dest dan.

Şêrawa: Meyasê, Bênê, Soxanekê, Aqîbê û Ziyaretê heta seatên sibehê hatine topbarankirin.

Şehba: Zîwan, Xirbet El Şealê, Eyn Deqnê, Bêlûniyê, Şêx Îsa, Werdiyê, Til Madîq.

Topbaranê bê navber dewam kir û bi qasî 545 guleyên tank, obîs û hawanan hatine bikaranîn.

Ji anhayê hatiye wergirtin.