Hikûmeta Iraqê li xwe mûkir hat: DAIŞ ji nû ve serî radike!
Wezareta navxwe ya Iraqê bi beyanameyekî ragehand, roja 30.10.2018ê balefirên şer ên Iraqê binke û baregehên DAIŞê yên li parêzgeha Selahedînê bombebaran kirine û ji ber wê jî 4 çekdarên wê rêxistina terorîstî hatine kuştin.
Beyanameya wezareta navxwe ya Iraqê di demekê de ye ku çavkaniyên çapemenî û leşkeri yên Iraqê amaje bi wê yekê dikin ku DAIŞ li rojavayê Iraqê û bakûrê Bexdayê serî rakiriye û dest bi çalaki û kiryarên xwe yên terorîstî kiriye.
Malpera RT a Rûsî çend wêneyekî binke û cîhên veşartî yên hatine dîtin ên DAIŞê belav kirin.
Di meha 12 a sala 2017ê serokwezîrê Iraqê yê berê Heyder Ebadî ragehand, DAIŞ li Iraqê bi dawî bûye û êdî fikir û îdolojiya wê rêxistinê li bajarên Iraqê serî ranake.
Basnews
