Fermandarê yekîneyên 70ê yê Pêşmergeyên Kurdistanê Şêx Cehfer ku berê ragehandibû ku grubek nav YNKê xiyaneta 16ê cotmehê pêkaniye, naha dibêje hin kesên kurd di xiyaneta 16ê cotmehê têkevtin û li gor wî eger lêkolînek hatiba kirin ew kes dê aşkera biban.

Di hevpeyvîneke li gel beşa kurdî ya Dengê Amerîka de endamê polîtburoya YNKê û fermandarê yekîneyên 70 yê Pêşmergeyên Kurdistanê Şêx Cehfer ragehand, eger lêkolîn hatiba kirin derbarê 16ê cotmehê de, ‘’Dibe ku hin kesên ku kurd in, têkelbûn û li gel Iraqiyan dest dabûne hev û alîkarî û hemahengiya wan li gel Iraqiyan heyî aşkera biban.’’

Herwaha got, herçend wan dixwest lêkolîn bê kirin jî, ‘’Lê ti lêkolîn nehate kirin’’ û got: ‘’Ew kesên ku têkel bûne, bê guman eger lêkolîn û lêpirsîn hatiba kirin dê derketiba ku kurd in. Ji ber mesele her kurd e, raste ereb û tirkmen jî alîkarbûn, ku piraniya wan li pişt çeperên Pêşmerge lê Heşdî Şeibî bûn.’’

Şêx Cehfer di hevpeyvîneke li gel Dengê Amerîkayê ya roja 27.12.2017ê de ragehandibû ku; Grubek nav YNKê de heye ku hemaheng û rêkeftin li gel hikûmeta Iraqê û Heşdî Şeibî re Kerkûk radest kirin. Herwaha dixwestin Silêmanî, Hewlêr û Duhokê jî radest bikin.’’ Lê gotinên ku naha dike li gel wan gotinên wî yên berê bi nakok in.

Herwaha Şêx Cehfer sala borî şewitandina binkeyên partî û fermangehên hikûmetê yên meha 12ê ya sala 2017ê jî wek provakasyona heman gruba YNKê pênase kiribû û ragehandibû ku: ‘’Dixwazin rewşa Kurdistanê têkbidin, bi taybet hemahengiya wan hebû li gel Iraqê, ku Heşdî Şeibî û artêşa Iraqê bînin Silêmaniyê û hemû Kurdistanê.’’

Hewaha got: ‘’Heta ew gruba xayîn a YNKê hebe, metirsiya cidî li ser Kurdistanê heye. Ji ber berdewam hemahengiya wan li gel Iraqê heye û dixwazin artêşa Iraqê û Heşdî Şeibî bînin hemû Kurdistanê û radestî wan bikin, ku Kurdistan û ev destkevtane nemînin.


Basnews