Tifaqa sunniyên Iraqê ya bi navê “Mîhwera Wetenî”piştevaniya namzedê PDKê bo serokomariya Iraqê dikin.

Berdevkê Mîhwera Wetenî, Leys Dilêmî îro di daxuyaniyekê de ragihandiye, posta serokomariya Iraqê pişka kurdan e û dê di hilbijartinên serokomar de dengê xwe bidin namzedekî ku kesekî lîberal be û kurd hemû jê razî bin.

Leys Dilêmî her wiha gotiye, ji ber wê jî ewê dengê xwe bidin namzedê PDKê Fuad Husên, çimkî di navbera wan û PDKê rêkeftin û lihevkirin heye û namzedê wê jî kesekî lîberal e.

PDKê li hember namzedê YNKê yê serokomariya Iraqê Berhem Salih, serokê berê yê Dîwana Serokatiya Herêma Kurdistanê Fuad Husên kiriye kandîd.

Basnews