Dîlan Şêx Selah Berzincî yê çalakvanekî kurdê Kerkûkê bû balyoz û endam li rêxistinekî ser bi Netewên Yekbûyî.

Dîlan Şêx Selah di daxuyaniyekî de ji BasNewsê re ragehand ku bûye endamê rêxistina Hevpeymaniya Mirovî ku rêxistinekî navnetewî ya Swêd e û dibêje wê rêxistinê nûnertiyên wê li 190 welatên cîhanê heye û armanca wê di bin sîvana Netewên Yekbûyî de ji bo wekhewî û qahîm kirina mafê mirov û damezrandina aştiyê ye û ji bo wê tekoşînê dide. Çalakiyên wê jî zêdetir çêkirina form û konferansên cîhanî ye.

Çalakvanê kurd amaje bi wê yekê jî dike ku di demekî nêzîk de kar û çalakiyên wan di sektora ciwan û mafên mirovan de li çarçoveya dewre û perwerde û form û konferansên cîhanî dê destpê bikin û keyfxweşe ku ew derfet bo wî çêbû bi rêya wê rêxistina cîhanî ve xizmetê bigehîne civaka Kurdistanê.

 

Basnews