Nêçîrvan Barzanî Serokwezîrê Herêma Kurdistanê, roja pêncşemê 30.08.2018ê li bajarê Hewlêrê, pêşwazî li Pavel Sorokin Cîgirê wezîrê derve yê Rûsyayê, Vladislav Baryshnikov Cîgirê serokê kompaniya Gazprom Neft û Konsulê giştiyê Rûsyayê yê Herêma Kurdistanê kir.

Di civînekê de, şandeya mêvan hevkarî, hevahengî û têkeliyên dîrokî yên navbera Herêma Kurdistan û Rûsyayê û pêşkeşkirina hêsankarî û hevkariyan ji bo kar û çalakî û pirojeyên kompaniya yên rûsyayê ji aliyê Hikûmeta Herêma Kuridstanê, bilind nirxandin û hêvî xwest ew hevkarî û têkelî berdewam bin û zêdetir xurt û berfirehtir bibin.

Nêçîrvan Barzanî ji şandeya mêvan re got ku bi armanca baştirkirina kar û pirojeyên kompaniyên rûsyayê li Herêma Kurdistanê û bi taybetî di warê enerjî û pêşdebirina girêbestên ku di navebra her du aliyand e hene, Hikûmeta Herêma Kurdistanê ji bo hemû hevkarî û hêsanakiriyan amade ye.

Serowkezîr got ku rewşa Herêma Kurdistanê di warê êkonomî de ber bi başî û geşbûnê diçe û vê yekê jî wisa kiriye ku bala sermayedarên biyanî bikşîne û Hikûmeta Herêma Kurdistanê jî ji bona rêxweşkirin û hevkarîkirina kompanî û şirketên biyanî ku li Herêma Kurdistanê di warên cuda de sermayegozariyên bikin amade ye.

Pêşdebirina têkeliyên dêrînên navbera Rûsya û Herêma Kurdistanê, bilind nirxandina kar û pirojeyên kompaniyên rûsya di warê enerjiyê de û nirxandina rewşa herêmî bi giştî, çend mijarên din yên civînê bûn.