Rêxistina siyasî û civakî li Kerkûkê ya ‘’Tevgera Mafê Kurdan li Kerkûkê’’ dibêje parêzgerê sepandî yê Kerkûkê kiryarên xwe yên ne yasayî berdewam dike û got, Rakan Seîd li Kerkûkê civîneke veşartî li gel balyozê Tirkiyê yê Iraqê civiyaye.

Daxuyaniya Tevgera Mafê Kurdan li Kerkûkê de tê gotin, reftararên parêzgehê bi wekalet ê Kerkûkê ku pişta xwe dide hêza dijî teror a Iraqê, ji aliyekê ve gef li rojnamevanan dike û dixwaza wan bêdeng bike û ji aliyeke din ve jî pirsgirêkê bo erdên kiştûkal û zîreetê yê cotyaran ava dike. Herwaha li gel balyozê Tirkiyê yê Iraqê jî civînên veşartî pêktîne.

Herwaha hat gotin, balyozê Tirkiyê diçe ser qela Kerkûkê û ji wê derê ve amaje bi vê yeke dike ku Kerkûk cîhê bab û bapîrên wan e. Lê hemû ew tiştane ji rastiyê dûr in û dirêj kirina vê desthilata berjewendîxwaz re ne sedem in. Pêwîste hemû li xwe mûkir bên ku pêwîstiya Kerkûkê bi çareseriyek bingehin heye û pêkhateyek dayîna mileke din bi awayek ne rasterast dê ziyanê bigehîne pêkhateyên din jî.


Basnews