Mesrûr Barzanî peyameke pîrozbahiyê belav kir!
Peyam waha ye:
Rêz û Silav..
Bi helkefta bidawîbûna karên heştemîn kongreya rêxistina we ya têkoşer ya bi navê "Kongreya Pêşmerge" û hilbijartina rêveberiyeke nû, germtirîn pîrozbahî li we dikim.
Yekitiya Lawên Demokratên Kurdistanê nûneratiya beşekî giring ê welatê me dike, li gel wê jî dîroka serfiraz a vê rêxistinê û hizir û karînên lawan, derfetê ji we re peyda dike, ku hûn wekî her dem pêşeng bin.
Hêvîdarim rêxistina we li ser bingehên hizrî û serdemane, xwe ji bo pêşeroja gelê me amade bike û mil bi milê çînên din, ji bo Kurdistaneke bihêz têkoşînê bike.
Ji bilî pîrozbahiyê dubare, spasî û destxweşiyê ji serkirdatiya we ya berê dikim ku ji kongreya derbasbûyî heya niha xizmeteke hêjayî lawên Kurdistanê kir.
Hêviya bi serkeftin û destkeftên bêhtir ji bo Yekîtiya we ya têkoşer dikim.
Li gel rêzên min...
Birayê we
Mesrûr Barzanî
2018/8/10
Basnews
