Şaredarê berê yê navçeya Sûrê (Ebdellah Demîrbaş) ji bo destpêkirina piroseya aştiyê li Bakurê Kurdistanê, daxwaza alîkariyê ji Serok Barzanî kir.

Ebdellah Demîrbaş taybet ji Kurdistan24ê re axifî û got: Serok Barzanî xwedî hêzeke navnetewî ye û li navçeyê jî bandora wî xurt e. Divê piroseya çareseriyê careke din destpê bike û Barzanî kare ji bo destpêkirina wê piroseyê roleke giring bilîze.

Herwiha Demîrbaş rexne li HDPê kir û got: Heger wan karîbana siyaset rast bimeşandana û ji bo çareseriyê fişar li dewletê kiribana, wê demê xendeq jî nedihatin kolandin.

Di sala 2014an de, Hikûmeta Tirkiyê dest bi piroseya aştiyê kir, lê piştî derketina aloziyan di navbera HDPê û AKPê de û kolana xendeqan di nav bajaran de, piroseya aştiyê, di 2015an de, bi biryarekê ji Serokatiya Tirkiyê hat rawestandin.

K24