Li parêzgeha Agirî ya Bakurê Kurdistanê pileya germê 33 pile daket bin sifrê. Li gor keşnasiya herêmê, dê li tevahiya herêmê rewşa keş û hewayê kêm û pirewr be û piştî nîvro dê li parêzgeha Erzînganê û derdora wê berf bibare.

Herwiha dê li çend bajarên Bakurê Kurdistanê sermayeke zêde û ba hebe. Şevê din pileya germê li Agirî 33 pile daket bin sifrê, li Qersê 29, li Erdexanê 26, li Erzeromê 22, li Dêrsimê 15 û li Erzîngan Îdirê jî 13 pile daket bin sifrê.

Bi roj jî tê texmînkirin ku pileya germê li Qersê 7, li Erdexan û Erzeromê 5, li Agirî, Dêrsim û Erzînganê 3 û li Îdirê jî 1 pile di bin sifrê de be.

Li aliyê din li van parêzgehên Bakurê Kurdistanê hişyarî hatiye dayîn ku divê welatî ji ber qeşa, mij û berfê tedbîrên xwe werbigrin.

Rudaw