Şêwirmendê polîtburoya PDKê dibêje, wan bi fermî daxwaz kirine hilbijartinên parlementoya Kurdistanê di dema xwe de bê kirin.

Şêwirmendê polîtburoya PDKê, Arif Ruşdî ji BasNewsê re got, piştî ku encamp û giliyên li ser hilbijartinên Iraqê ji aliyê dadgeha federal ya Iraqê ve hatin pesendkirin û çareserkirin, hevdîtinên pêkanîna hikûmeta nû ya Iraqê dê germtir bin û şandin din dê serdana Serok Barzanî û PDKê bikin.

Arif Ruşdî her wiha got, PDKê bi fermî daxwaz kiriye hilbijartinên parlementoya Kurdistanê di dema xwe de bê kirin. Em hêvîdar in wisa bibe û hilbijartin neyê paşxistin.

Şêwirmendê polîtburoya PDKê anî ziman jî, ew hez dikin aliyên Kurdistanî li ser aktîfkirina komîsyona hilbijartinan ya Kurdistanê li hev bikin û got, em wek PDK ji hilbijartinan natirsin û amade ne.

 

Basnews