Ji ber têkçûna rewşa tendirustiya Serokê Filistînê Mehmûd Ebas Serok Barzanî peyamek jê re rêkir.

Berpirsê Karûbarên Siyasî û Pêwendiyên Giştî yê Ofîsa Serok Barzanî Hêmen Hewramî li ser rûpela xwe ya Facebookê belav kir ku, piştî di çend rojên borî de rewşa tendirustiya Serokê Filistînê Mehmûd Ebas têkçû û niştegeriyek jêre hate çêkirin, li ser fermana cenabê Serok Barzanî me serdana Balyozxaneya Filistîn li Hewlêrê kir.

Berpirsê Karûbarên Siyasî û Pêwendiyên Giştî yê Ofîsa Serok Barzanî da zanîn ku, me peyama Serok Barzanî û agehdarbûna wî ji rewşa tendirustiya Mehmûd Ebas gehande wan û hêvî kir ku, xudê şifayê jêre bişîne.

Herwiha Hewramî diyar kir ku, Balyozxaneya Filistînê ji aliyê xwe ve sipasiya nameya Serok Barzanî kir û dûpat kir ku, gel û hikûmeta Filistînê Serok Barzanî rêber û Simbola rewa ya gelê Kurdistanê dibînin.

Basnews