Rewangeha Sûrî ya Mafê Mirovan li Sûriyê amaje bi vê yekê dike ku hikûmeta Iraqê ji ber derdora Hesekê bombebaran pêkaniye û dema xelk li cîhê mezbexaneyek da kombibûn bombebaran pêkaniye û hejmarek zêde ya hemwelatiyan hatine kuştin.

Herwaha çavkaniyek din jî, hevpeymaniya navnetewî ya serokatiya wê Amerîka dike ji ber vê bombebaranê tometbar dike, ku zêdetirî 30 hemwelatiyan û di nav de zarok û jin jî hene hatine kuştin.

Ji aliyeke din ve malperekê jî belav kir, hevpeymaniya navnetewî duh 01.05.2018ê gundê Qesr ê nêzîk bajarokê Tel Cayrî yê ser bi Şudadî, ku di dest DAIŞê de ye, bombebaran kiriye û di encamê de 30 hemwelatî hatine kuştin.

Herçend berî naha gelek caran bi fermî hatiye ragehandin ku balefirên şer ên Iraqê sînorê esmanî Sûriyê bezandiye û binkeyên DAIŞê bombebaran jî kiriye, lê çapemeniya ewlehiya Iraqê tometên Rewangeha Sûriyê red kiriye.

Basnews