Nêçîrvan Barzanî Serokwezîrê Herêma Kurdistanê, êvariya roja 27.04.2018 li bajarê Hewlêrê, pêwazî li Alistair Burt wezîrê dewleta Brîtanyayê ji bo karûbarên Rojhilata Navîn û geşepêdana navdewletî û şandeya diplomasiya pê re kir.

Di civînekê de ku, Qubad Talebanî Cîgirê Serokwezîrê Herêma Kurdistanê amade bû, şandeya mêvan gavên Hikûmeta Herêma Kurdistanê di warê asayîkirin û normalîze kirina têkeliyên bi Bexdayê re û çê bûna baweriyê di navebra Hewlêr û Bexdayê de bilind nirxand û hêvî xwest ku diyaloga cidîtir ji bona çareserkirina hemû pirsgirêkan berdewam be.

Şandeya brîtanyayî bi pêwîstî zanî ku piştî hilbijartinên Parlamentoya Îraqê, hemû alî û bi taybetî aliyê kurdî di avakirina hikûmeteke bingeh berfireh de rola xwe hebe û eşkere kir ku Hikûmeta Brîtanyayê giringiyeke mezin bi têkeliyên xwe yên bi Herêma Kurdistanê re, bi taybetî di warê meşiq, rahînan û hevkariyên leşkerî ji bo pêşmergeyê Kurdistanê û geşepêdana aborî û sermayerazandinê, dide.
Nêçîrvan Barzanî sipasiya hevkariyên leşkerî û mirovî yên Brîtanya ku pêşkeşî Herêma Kurdistanê dike û rola Brîtanya di afrandina aqarek xweş ji bo destpêkirina danûstandinên navbera Hewlêr û Bexdayê kir.

Serokwezîr diyar kir ku ew pêşwaziyê li hizir û helwesta Brîtanyayê di warê giringîdan bi warê aborî, piştî hilbijartinên parlamentoya Îraqê, aramî û êmnahî li Îraqê dike û berheviya Herêma Kurdistanê ji bo pêşkeşkirina hêsankarî û hevkariya di van waran de nîşan da. Barzanî bi pêwîstî zanî ku Hevpeyman, bi taybetî Brîtanya ji bona bicîkirina pilana reformê li Îraq û Herêma Kurdistanê hevkar û alîkar be.

Rewşa herêmî û hilbijartinên Îraq û Herêma Kurdistanê mijarên din yên civînê bûn.