Balyozê berî yê Amerîkayê li Neteweyên Yekbûyî (NY) John R. Bolton ragihand, ku ew bi hemû awayî piştgirî dide giştpirsiya Başûrê Kurdistanê.

John R. Bolton, ku yek ji dîplomatê navdar ê Amerîkayê ye û kesekî nêzîkî rêveberiya Trump e, li ser navnîşana xwe ya taybetî ya twîtterê ragihand, “Dema wê hatiye kurdên Iraqê dengê xwe li ser hêvî û mirazên xwe bidin.”

John Bolton, ku yek ji berbijêrê wezîrê derve bû, beriya niha jî ragihandibû; “Kurd nêzîkî serxwebûnê ne û defakto serxwebûna xwe radigihînin.”

Bolton gotibû, ku kurd ji bo vekirina riya Kurdistana mezin şerê li dijî DAIŞê dikin.

Ji bo giştpirsiya serxwebûna Başûrê Kurdistanê tenê rojek ma û roj bi roj piştgiriya navdewletî ya ji bo giştpirsiyê jî zêdetir dibe.

Roja 23ê Îlonê jî balyozê yekemîn ê Amerîkayê li Kirwatyayê Peter Galbraith beşdarî bernameya “Rûdawa Îro” ya televiztona Rûdawê bû û hêvî xwest ku giştpirsî di dema xwe de were kirin.

Peter Galbraith eşkere kir, ku piştî giştpirsiyê welatên biyanî jî dê piştgiriyê bidin Kurdistana serbixwe.

Rudaw