Du rojan piştî Herêma Kurdistanê, Herêma Katalonya ya Spanya jî roja referandoma serxwebûna xwe diyar kir. Ev cara duyemîn e Katalonya referandomê encam dide.

Serokê Herêma Katalonya ya Spanyayê duh rayedarên hikûmeta Katalonya kom kir û roja referandoma serxwebûna Katalonya eşkere kir.

Serokê Katalonya da zanîn ku dê roja 1 Mijdara îsal referandomê pêk bînin û got, emê wê rojê ji gelê Katalonya bipirsin ka gelo dixwazin bibin xwedanê dewleteka serbixwe yan na.

Ev cara duyemîn e li Katalonya referandomê tê kirin. Cara yekemîn 9 Mijdara 2014 bû ku tenê %37.2 ji xelkê Katalonya beşdar bibûn, %80 ji kesên ku beşdar bibûn, dengê “erê” dabûn lê hikûmeta Spanya bi rêya dadgehê ew referandomê dabû betalkirin.

Tê pêşbînîkirin ku Spanya cardin li dijî referandom û serxwebûna Herêma Katalonya derkeve.

Roja referandoma Katalonya 5 rojan piştî referandoma serxwebûna Herêma Kurdistanê tê encamdan. Roja referandoma Herêma Kurdistanê 25 Îlona îsal e.

Paytexta Herêma Katalonya, bajarê Barcelona ye û nifûsa wî welatî jî 7 milyon kes e.

Basnews