Parlementerê CHP’ê yê Mêrsîna Tirkiyeyê Fîkrî Saglar, li ser çareserkirina meseleya Kurd li Tirkiyê ragihand ku cihê çek lê hebe, siyaset nabe, navnîşana çareseriya pirgirêkan jî parlemento ye.

Parlementerê Partiya Komarî ya Gel (CHP)’ê yê Mêrsînê û Wezîrê Çandê yê berê Fîkrî Saglar, di çarçoveya xebatên referandûmê de serdana Diyarbekirê kir.

Saglar bo K24’ê li ser çareserkirina meseleya Kurd li Tirkiyeyê nirxandin kirin û got; “Em piştgiriya çareseriyeke çekdarî nakin. Cihê ku çek lê hebe, siyaset û azadî lê nabe. Em dibêjin divê pirsa Kurd bi demokrasiyê were çareserkirin. Divê ji bo çareseriyê bi nûnerên gel re hevdîtin were kirin û cihê nûnerên gel jî parlemento ye.”

K24