Li Diyarbekirê, bi pêşengiya Partiya Sosyalîst a Kurdistanê (PSK) Konferansa Sîstema Federalî tê lidarxistin. Konferansa bi sernavê; Sîstema Federalî û Di Sîstema Federalî de Çareseriya Pirsgirêka Kurd tê lidarxistin, yek ji çalakiyên salane yên Kovara Deng e. Ji bo konferansê dê akademisyen, nivîskar û siyasetmedarên Bakûr û Başûr wekî axaftvan beşdar bibin.

Konferansa ku bi pêşengiya PSK’ê û Kovara Deng tê lidarxistin, dê bi tevlîbûna gelek siyasetmedar, akademisyen û nivîskaran dest pê bike. Konferansa Sîstema Federalî û di Federaliyê de çareseriya Pirsgirêka Kurd dê bi 2 rûniştinan dewam bike.

Rûniştina yekemîn demjimêr di 10:00’an de bi xaftinên akademîsyenê Zanîngeha Stenbolê Mesût Yegen, Akademîsyenê Zanîngeha Dîcleyê Vahap Coşkûn û Akademîsyena Zanîngeha Amerîkan a li Kurdistanê Arzû Yilmaz dest pê kir.

Rûniştina duyemîn a konferansê piştî nîvrojê demjimêr di 14:00’an de dest pê dike. Di vê rûniştinê de jî dê Cîgirê Wezareta Çandî yê Kurdistanê Salar Osman, Akademîsyen Behrûz Şûjaî û Serokê PSK’ê Mesût Tek wekî axaftvan cihê xwe bigirin.

k24