Fermandareke milîsên heşdî şeibî gef li hemwelatiyên bajarokê Tilkêfê ya parêzgeha Nînowa dike û mohlet dide wan ku 3 rojan de vala bikin.

Wekî ku di girteya video yî de jî diyare, fermandareke heşdî şeibî Eso Hebbe hejmarek hemwelatiyên bajarokê Tilkêfê komkiriye û gef li wan dike ku divê di heyama 3 rojan de bajarokê Tilkêfê vala bikin, ji ber ew navçe ya Mesîhiyane.

Berî naha çend wêneyekî Eso Hebbe ku fermandareke nêzîk li Ebu Mehdî Muhendisê kesê duyem ê milîsên heşdî şeibiye, di torên civakî de hatibû belav kirin, ku di wan wêneyan de îşkence li hemwelatiyên sunne yên bajarokê Felluce ya ser bi parêzgeha Enbarê dikir.

basnews