Roja dûşem 06.02.2017 li Selahaddîn birêz Mesûd Barzanî Serokê Herêma Kurdistanê pêşwaziya Usame Nuceyfî Cîgirê Serok Komarê Iraqa Federal û şandekî li gel kir.

Li hevdîtinê de ku Fazil Mîranî Sekreterê Mekteba Siyasî ya Partiya Demokrata Kurdistanê amadebû, serkeftinên hêzên Pêşmergeyên Kurdistanê û hêzên artêşa Iraqê li şerê dijî terorîstên Da'îş de bilind nirxandin, her wiha ronahî xistin li ser rewşa meydanî ya operasyona azadkirina Musil û paşaroja parêzgeha Nînowa.

Li beşekî dinê vê civînê da behsa rewşa giştî û proseya siyasî ya Iraqê kirin û hengavên dijayetîkirin û rûbirûbûna terorê li navçeyên cûda cûdayên Iraqê nirxandin.