Duhli bajarokê Hewramana Text ya li Rojhilatê Kurdistanê ahenga Pîrşaliyar hate organîzekirin.
Duh weke her sal li bajarokê Hewramana Text ya li Rojhilatê Kurdistanê ahenga Pîrşaliyar ( yaku bi zemewen- deweta pîrşaliyar tê nasîn) bi beşdariya hijmareke gelek zêde ji şêniyên devera Hewraman, bajarên din yên Rojhilatê Kurdistanê û hijmareke mêwanên biyanî hate organîzekirin.
Ev ahenga han yaku ji aliyê Hewramiyan ve weke zemawena Pîrşaliyar tê nasîn her sal di destpêka demsala serma û zeqemê de bi taybetî di destpêka meha rêbendanê de dest pê dike û berdewamiya ahenga han jî di demsala Beharê de tê organîzekirin.
Pîrşaliyar, pîr û rênîşanderekî Hewramî ya ola HZ zerdeşt bûye û ji aliyê Hewramiyan ve hîn jî weke pîrozî û nirxeke nîştimanî tê parastin û hersal ev ahenga han jiber xatira Pîrşaliyar organîze dikin.
Di çarçoveya ahenga han de yaku sê rojan dom dike çendîn çalakiyên curbicur yên taybet tên pêkanîn.