Îsraîlê ragihand, ku bo asayîkirina pêwendiyên navbera her du welatan bi Tirkiyê re li hev kiriye.

Bo asayîkirina pêwendiyên navbera Îsraîl û Tirkiyê, li paytexta Îtalya bajarê Romayê hevdîtinên giring pêk tên.

Ajansa Reutersê ji zarê rayedareke Îsraîlî ve ragihand, ku Îsraîl û Tirkiyê bo asayîkirina têkiliyên du alî li hev hatine.

Li gorî zanyariyên ji Reutrsê, rêkevtina navbera her du welatan, dê roja duşemiyê bi fermî were ragihandin.

Şêwirmendê Wezareta Derve a Tirkiyê Feridun Sinirlioglu û nûnerê taybet ê Serokwezîrê Îsraîlê Benjamin Netanyahu li Romayê derbarê pêwendiyên navebra her du welatan de bi hev re hevdîtin pêk anîn.

Derbarê wê mijarê de rayedarên Tirkiyê hêj ti agahî nedane.

Rudaw