Hat zanîn ku hêzeke Partiya Yekitiya Demokratîk (PYD) dest daniye ser karwana alîkariyên mirovî ku ji Başûr derbasî Kurdistana Rojava dibû.

Nûnerê Serokê Herêma Kurdistanê di karûbarên Kurdistana Rojava de, Hemîd Derbendî ji BasNewsê re got, hêzeke PYDê dest daniye ser karwaneke mezin a şekir, birinc û çayê ku ji deriyê sînorî yê Pêşxabûr-Sêmalka re diçû Rojava.

Hemîd Derbendî diyar kir ku wê hêza PYDê karwana alîkariyê xistiye tiqûfê û bixwe jî wan alîkariyan nabin Rojava.

Nûnerê Barzanî di karûbarên Rojava de anî ziman ku ew hêza PYDê dixwaze wan alîkariyan bifroşe bazirganan û bi vî rengî hinek pere qazanc bike û got, me ji wan re gotiye nabe dest danên ser wê alîkariyê çimkî ew qûtê xelkê Rojava ye. Eger bersiva me nedin wê çaxê emê helwestek din nîşan bidin.

Deriyê sînorî yê Pêşxabûr-Sêmalka, ku roja 16ê Adara îsal hatibû girtin, destpêka meha Remezanê bi fermana Barzanî dîsa vebû.

Piştî vebûna sînor, hikûmeta Kurdistanê ragihand, ew ti gumrik û bacê ji tiştên ku derbasî Rojava dibin, nastînin. Lê li aliyê Rojava bac û gumrik tê standin.

Basnews